Раённай арганізацыяй грамадскага аб’яднання «Беларускі саюз афіцэраў» былі падведзены вынікі работы арганізацыі за 2023 год, акрэслены планы на 2024-ы. Як вядома, шаркаўчане рыхтавалі гарадскі пасёлак да святкавання фестывалю-кірмашу працаўнікоў вёскі «Дажынкі-2023». Не засталіся ў баку ад гэтай важнай падзеі і члены арганізацыі. Па ініцыятыве кіраўніка Валерыя Ана, з дапамогай дырэктара УКП ЖКГ Аляксея Клакоўскага і пры падтрымцы актывістаў грамадскага аб’яднання каля сядзібы Героя Савецкага Саюза Рамана Кудрына была ўстаноўлена інфармацыйная альтанка, прысвечаная нашаму славутаму земляку. Члены арганізацыі на пастаяннай аснове ўдзельнічалі ў правядзенні мітынгаў, прысвечаных Дню памяці воінаў-інтэрнацыяналістаў, Дню Перамогі, Дню незалежнасці Рэспублікі Беларусь, Дню народнага адзінства. Яны актыўна супрацоўнічаюць з навучальнымі ўстановамі, дзе праводзяць сустрэчы з падрастаючым пакаленнем. З 2022 года праходзяць спаборніцтвы па зімняй рыбалцы, прысвечаныя памяці воіна-інтэрнацыяналіста Валянціна Кукліна. Штогод члены арганізацыі дапамагаюць у правядзенні раённых спаборніцтваў па таэквандо, прысвечаных подзвігу воінаў-інтэрнацыяналістаў.

На сённяшні дзень у складзе раённай арганізацыі налічваецца 77 чалавек. З кожным годам рады яе пашыраюцца, з’яўляюцца новыя ідэі і прапановы па развіцці патрыятычнай работы.

Кіраўнік арганізацыі Валерый Ан падкрэсліў, што сёлетні год у краіне абвешчаны Годам якасці. Значыць мерапрыемствы, якія будуць праводзіць шаркаўшчынскія афіцэры, павінны стаць больш якаснымі і паўнавартаснымі. Былі выслуханы прапановы членаў арганізацыі аб святкаванні 80-годдзя вызвалення Рэспублікі Беларусь ад нямецка-фашысцкіх захопнікаў.

На справаздачны сход быў запрошаны настаяцель Свята-Успенскай царквы протаіерэй Пётр Бараноўскі. Свяшчэннаслужыцель прачытаў словы малітвы, акрапіў святой вадой сцяг раённай арганізацыі, пажадаў усім міру, дабра і блакітнага неба над галавой у нашай квітнеючай Беларусі.

Сяргей РАЙЧОНАК  http://www.klich.by/?p=129169