Паважаныя шаркаўчане!
Прыміце самыя шчырыя віншаванні з надыходзячым Новым годам!
Прайшоў яшчэ адзін год. Сёння, на зыходзе адыходзячых дзён, мы можам сказаць, што ён стаў для нас шматстайным і павучальным, напружаным і багатым на добрыя справы ў імя працвітання нашай радзімы.
Разам з усёй краінай Шаркаўшчынскі раён жыў насычаным і цікавым жыццём, у якім знайшлося месца і стваральнай працы, і добрым святам, і важным грамадска-палітычным мерапрыемствам.
Яркай падзеяй, якая змяніла жыццё кожнага жыхара раёна, стаў фестываль-кірмаш працаўнікоў сяла «Дажынкі-2023». Шаркаўчане з вялікімі надзеямі і энтузіязмам рыхтаваліся да мерапрыемства, разумеючы, як гэта адказна і ганарова прымаць у сябе шматлікіх гасцей. Гэта відовішчнае свята сабрала ў Шаркаўшчыне звыш 13,5 тысяч чалавек. Маштабы і характар пераўтварэнняў райцэнтра сталі ўражваючымі: каля 200 аб'ектаў было абноўлена, і ўсё гэта было зроблена, а таксама працягвае рабіцца для паляпшэння якасці жыцця і камфорту шаркаўчан.
Разам мы можам і павінны зрабіць усё, каб родны раён паспяхова развіваўся, каб усё ў ім мянялася толькі да лепшага.
Падводзячы вынікі адыходзячага года, хочацца сказаць словы вялікай падзякі ўсім, хто добрасумленнай працай ствараў добрае імя нашага раёна: працаўнікам сяла, будаўнікам, настаўнікам, работнікам медыцыны, культуры, спорту, гандлю і грамадскага харчавання, бытавога абслугоўвання і жыллёва-камунальнай гаспадаркі, прадстаўнікам праваахоўных органаў.
Дарагія сябры! Няхай маючы адбыцца Год якасці будзе якасным ва ўсім: у працы, у ажыццяўленні намечаных планаў, у асабістым жыцці. Няхай ён стане выдатнай магчымасцю прадоўжыць свае паспяховыя пачынанні і выдатным шанцам для тых, хто вырашыў пачаць усё спачатку.
Няхай у навагоднюю ноч у кожным доме, у кожнай сям'і прагучаць самыя цёплыя, самыя душэўныя словы блізкім і родным. Ад усёй душы жадаем вам бясконцага здароўя, кахання, даверу і згоды, светлых і шчаслівых дзён, міру і працвітання.
З Новым годам!
Старшыня Шаркаўшчынскага
раённага выканаўчага камітэта
Д.М. Ламака
Старшыня Шаркаўшчынскага
раённага Савета дэпутатаў
В.С. Шпец