Паважаныя жыхары Шаркаўшчынскага раёна!
Прыміце самыя шчырыя віншаванні з Днём абаронцаў Айчыны і Узброеных Сіл Рэспублікі Беларусь!
Гэта свята увасабляе прыхільнасць непераходзячым каштоўнасцям беларускага народа – патрыятызму, мужнасці і служэнню Радзіме. Усяму, што ляжыць у аснове спакою і стабільнасці, міру і працвітання роднай зямлі.
Сёння мы славім подзвіг ветэранаў Вялікай Айчыннай вайны, доблесць і стойкасць воінаў-інтэрнацыяналістаў, патрыятызм і самаахвярнасць ваеннаслужачых сучаснай беларускай арміі. Бо наша армія была і застаецца сапраўды народнай, адной з апор дзяржаўнасці, гарантам незалежнасці і бяспекі, сапраўднай школай мужнасці для моладзі.
Кожны, хто ўсведамляе сябе абаронцам Айчыны, ведае, наколькі важныя ў чалавеку такія якасці, як сіла і надзейнасць, падтрымка і ўзаемадапамога. Яны патрабуюцца не толькі ў баі, але і ў паўсядзённым жыцці, дапамагаюць пераадольваць цяжкасці і дабівацца поспеху.
Дарагія сябры! Ад усёй душы дзякуем усім, хто прысвяціў жыццё вялікай справе служэння Айчыне, а таксама тым, хто, аддаўшы свой воінскі абавязак, штодзённай стваральнай працай робіць мацней і багацей нашу любімую Радзіму.
Жадаем вам моцнага здароўя, дабрабыту, светлых надзей на будучыню свету, бадзёрасці духу і невычэрпнай энергіі.
Старшыня Шаркаўшчынскага
раённага выканаўчага
камітэта
Д.М. Ламака
Старшыня Шаркаўшчынскага
раённага Савета дэпутатаў
В.С. Шпец