З 8 па 11 лістапада 2023 года Дэпартамент па энергаэфектыўнасці Дзяржстандарта праводзіць рэспубліканскую інфармацыйна-адукацыйную акцыю «Беларусь - энергаэфектыўная краіна» пад дэвізам «Уключай энергаэфектыўнасць!». Яна прымеркавана да міжнароднага Дня энергазберажэння, які штогод адзначаецца 11 лістапада.

Акцыя праводзіцца ў мэтах рэалізацыі Дырэктывы Прэзідэнта Рэспублікі Беларусь ад 14.06.2007 № 3 «Аб прыярытэтных напрамках умацавання эканамічнай бяспекі дзяржавы», Закона Рэспублікі Беларусь «Аб энергазберажэнні».

Мэта акцыі - павышэнне дасведчанасці насельніцтва аб важнасці эфектыўнага выкарыстання энергарэсурсаў, магчымых спосабах і метадах іх эканоміі, у тым ліку ў паўсядзённым жыцці, што з'яўляецца значнай мерай у паляпшэнні дабрабыту грамадзян і эканамічнага росту краіны ў цэлым.