12 снежня ў раённым Цэнтры культуры прайшло дзіцячае забаўляльнае свята “Разбудзім Дзеда Мароза!”. Работнікі культуры распрацавалі сцэнарый мерапрыемства такім чынам, каб усім прысутным дзецям было весела. У фае майстры раённага цэнтра рамёстваў праводзілі майстар-класы па вырабе лялек, навагодніх сувеніраў з тканіны, паперы. Тут жа працавалі гульнёвыя пляцоўкі. Хлопчыкі і дзяўчынкі з картамі-схемамі праходзілі выпрабаванні на кемлівасць, таксама можна было напісаць пісьмо Дзеду Марозу. Побач на вялікім экране ішла дэманстрацыя навагодніх мультыплікацыйных фільмаў.

У час прыезду старшыні абласной прафсаюзнай арганізацыі работнікаў АПК Таццяны Анатольеўны Ярома ў наш раён яна наведала МТФ “Наваселле” ААТ “Агратэхсэрвіс”. Нагодай для гэтага стала ўручэнне Ганаровай граматы, грашовай прэміі і каштоўнага падарунка перадавому аператару машыннага даення Аксане Кудраўцавай за шматгадовую добрасумленную працу ў сістэме аграпрамысловага комплексу, дасягненне высокіх вытворчых паказчыкаў і актыўны ўдзел у грамадскім жыцці калектыву.

10 снежня 2021 года з 10.00 да 13.00 адбудзецца "прамая тэлефонная лінія" з начальнікам Шаркаўшчынскага раённага аддзела Следчага камітэта Рэспублікі Беларусь Кавалёнкам Юрыем Вінальевічам. Пытанні вы можаце задаць па тэлефоне 6-11-51.