У канцы студзеня вучні 10 класа СШ № 2 (група з 14 юнакоў і дзяўчат) разам з настаўніцай біялогіі Аксанай Паўлаўнай Пачэпка на практыцы замацавалі тэарэтычныя веды па факультатыве “Уводзіны ў аграрныя прафесіі”. Яны наведалі раённую ветэрынарную станцыю, дзе начальнік установы Валерый Паўлавіч Кулік расказаў пра спецыфіку дзейнасці райветстанцыі, яе супрацоўнікаў, асноўныя накірункі работы. Затым вучні больш падрабязна азнаёміліся з формамі і метадамі работы галоўнай ветэрынарнай установы раёна. Яны пабывалі ў падраздзяленнях хіміка-таксікалагічным і радыяцыйнага кантролю, наведалі дыягнастычную лабараторыю, дзе праводзяцца біяхімічныя аналізы крыві, корму для сельгаспадарчых жывёл, вызначаецца радыяцыйны фон паветра і іншае.

28 студзеня на пасяджэнні раённага выканаўчага камітэта намеснік старшыні райвыканкама Ірэна Францаўна Бука ўручыла Ганаровую Грамату галоўнага фінансавага кіравання Віцебскага абласнога выканаўчага камітэта галоўнаму бухгалтару фінанасавага аддзела райвыканкама Вольгі Амфіянаўне Афанасьевай за шматгадовую і добрасумленную працу у фінансавых органах і ў сувязі з Днём банкаўскіх і фінансавых работнікаў.