Адзіны дзень бяспекі дарожнага руху пройдзе ў Шаркаўшчынскім раёне 29 сакавіка

29 сакавіка 2024 года на тэрыторыі Шаркаўшчынскага раёна будзе праводзіцца Адзіны дзень бяспекі дарожнага руху пад дэвізам "Рух па правілах - аснова бяспекі", накіраваны на прафілактыку бяспечнага перамяшчэння на сродках персанальнай мабільнасці.

На сённяшні дзень дзейнічаюць правілы дарожнага руху, дзе ёсць асобныя пункты для кіроўцаў сродкаў персанальнай мабільнасці.

Згодна з ПДР грамадзян, якія выкарыстоўваюць сегвеі, электрасамакаты, монаколы і іншыя сродкі персанальнай мабільнасці, прыраўнялі да пешаходаў. У выпадку парушэння карыстальнікі СПМ будуць падпадаць пад адміністрацыйную адказнасць у якасці пешаходаў.

Акрамя таго, карыстацца СПМ можна будзе толькі з 14 гадоў, аднак выключэннем будуць жылыя і пешаходныя зоны. Таксама забаронена выкарыстоўваць сродкі персанальнай мабільнасці ў стане ап'янення.

Вадзіцелі СПМ павінны будуць выконваць хуткасны рэжым: забаронена разганяцца больш за 25 км/г. Больш за тое, на СПМ магутнасцю больш за 0.25 кВт неабходна вадзіцельскае пасведчанне адпаведнай катэгорыі.

Уладальнікі СПМ павінны сачыць за станам тэхнікі. Так, у электрасамакатаў і іншых сродкаў персанальнай мабільнасці павінны быць спраўныя тормазы і руль.

Дадзеныя сродкі перамяшчэння не адносяцца да транспартных сродкаў, таму рухацца на іх дазволена па абочынах, вела- і пешаходнай дарожцы, а пры яе адсутнасці - па тратуары, не ствараючы перашкод для пешаходаў. Разам з тым, рух па праезнай частцы дарогі такім удзельнікам забаронены.