2 июля 2025

У аграгарадку Германавічы адзначылі 81-ую гадавіну вызвалення Шаркаўшчынскага раёна ад нямецка-фашысцскіх захопнікаў

Урачысты мітынг, прысвечаны 81-й гадавіне вызвалення Шаркаўшчынскага раёна ад нямецка-фашысцкіх акупантаў, адбыўся ў Германавічах.

Да памятнага знака “Зенітная гармата часоў Вялікай Айчыннай вайны” прыйшлі дарослыя, вучні, выхаванцы дзіцячага садка, каб ушанаваць памяць загінуўшых у гады Вялікай Айчыннай вайны, успомніць ветэранаў, якія не шкадуючы сіл набліжалі вызваленне.

Да памятных знакаў і абеліскаў у гонар вызваліцеляў і нашых землякоў, якія загінулі на франтах Вялікай Айчыннай вайны, былі ўскладзены кветкі.

Пасля мітынгу дзеці наведалі музейныя заняткі “Франтавыя лісты салдат – сведкі ваеннай гісторыі”, на якіх пазнаёміліся с салдацкімі трохкутнікамі – найкаштоўнейшымі сведчаннямі Вялікай Айчыннай вайны. Гэта праўдзівы летапіс вайны, запавет берагчы мір ад тых, хто прайшоў ваеннымі дарогамі, нам, хто жыве сёння, і тым, хто прыйдзе ў гэты свет заўтра. Юныя экскурсанты наведалі ў мастацка-этнаграфічным музеі імя Я.Н.Драздовіча выставу “Без тэрміну даўнасці”.