18 июня 2025

Сёлета сваімі поспехамі радуюць бацькоў і настаўнікаў выпускнікі СШ №1 г.п.Шаркаўшчына

Па выніках цэнтралізаванага экзамену вучань сярэдняй школы № 1 г.п.Шаркаўшчына Алег Пальчэх двойчы набраў 100 балаў (па рускай мове і біялогіі). Самы высокі бал па рускай мове і ў яго аднакласніцы Вікторыі Сяліцкай.

Акрамя таго, Алег дасягнуў планкі ў 100 балаў па хіміі падчас цэнтралізаванага тэсціравання. З улікам 100 балаў, атрыманых за атэстат, ён набраў найбольшую іх колькасць - 400.

Вікторыя у час цэнтралізаванага тэсціравання атрымала 100 балаў па англійскай мове. Сярэдні бал яе атэстата склаў 98. Агульная сума - 394 балы.

Акрамя таго, яшчэ адна вучаніца – Анастасія Касарэўская змагла атрымаць 100 балаў на цэнтралізаваным тэсціраванні па грамадазнаўстве.