Урад Беларусі зацвердзіў пагадненне з Расіяй аб спагнанні аэранавігацыйных і аэрапортавых збораў і тарыфаў. Гэта прадугледжана пастановай Савета Міністраў ад 3 лістапада 2023 года нумар 765, паведамляе БЕЛТА са спасылкай на Нацыянальны прававы інтэрнэт-партал.

Згодна з дакументам, паміж урадам Беларусі і Расіі зацвярджаецца пагадненне аб спагнанні аэранавігацыйных і аэрапортавых збораў і тарыфаў, падпісанае ў Маскве 28 чэрвеня 2023 года.

Акрамя таго, Міністэрства замежных спраў павінна будзе накіраваць паведамленне расійскаму боку аб выкананні Беларуссю ўнутрыдзяржаўных працэдур, неабходных для ўступлення ў сілу гэтага пагаднення.

БелТА