Арганізацыі ўсіх форм уласнасці ў студзені - лютым 2023 года пабудавалі 5,7 тыс. новых кватэр, уведзена ў эксплуатацыю 588,2 тыс. кв.м жылля, паведамілі БЕЛТА ў Нацыянальным статыстычным камітэце.

Для грамадзян, якія знаходзяцца на ўліку маючых патрэбу ў паляпшэнні жыллёвых умоў, уведзена ў эксплуатацыю 253,1 тыс. кв.м, або 43 працэнты ад агульнага аб'ёму ўведзенага жылля. З іх з выкарыстаннем дзяржаўнай падтрымкі - 184,5 тыс. кв.м.

У сельскіх населеных пунктах уведзена ў эксплуатацыю 239,8 тыс. кв.м жылля, або 40,8 працэнта ад агульнага ўводу па краіне.

БелТА