У Беларусі прадоўжаны тэрмін магчымасці рэалізацыі ювелірных вырабаў праз інтэрнэт-магазіны. Гэта прадугледжана пастановай Савета Міністраў ад 21 лістапада 2022 года нумар 795, афіцыйна апублікаванай на Нацыянальным прававым інтэрнэт-партале, паведамляе БЕЛТА.

Згодна з дакументам, магчымасць ажыццяўлення інтэрнэт-гандлю ювелірнымі і іншымі бытавымі вырабамі, вырабленымі ў Беларусі і маркіраванымі кодамі ідэнтыфікацыі, прадаўжаецца па 31 жніўня 2024 года (раней такі дазвол дзейнічаў па 31 жніўня 2022 года). Асаблівасці ажыццяўлення такога віду гандлю вызначаны адпаведным палажэннем.

Дакумент уступае ў сілу пасля яго афіцыйнага апублікавання і распаўсюджвае сваё дзеянне на адносіны, што ўзніклі з 31 жніўня 2022 года.

БелТА