Дадатная дынаміка экспарту па выніках студзеня - лютага 2023 года забяспечана ў гандлі Беларусі з 68 суб'ектамі Расійскай Федэрацыі. Такія даныя прывёў пасол Беларусі ў Расіі Дзмітрый Крутой 11 красавіка на відэаканферэнцыі з кіраўнікамі аддзяленняў пасольства ў расійскіх рэгіёнах, паведамілі БЕЛТА ў прэс-службе дыппрадстаўніцтва.

На нарадзе заслуханы вынікі работы аддзяленняў пасольства за І квартал 2023 года. "Дзмітрый Крутой абазначыў ключавыя напрамкі развіцця супрацоўніцтва Беларусі з расійскімі рэгіёнамі: візіты губернатараў расійскіх рэгіёнаў у Беларусь; візіты прэм'ер-міністра Беларусі ў расійскія рэгіёны; развіццё і пашырэнне суб'ектаў тавараправоднай сеткі беларускіх прадпрыемстваў у расійскіх рэгіёнах; актывізацыя кантактаў з кіраўніцтвам замацаваных рэгіёнаў; каардынацыя работы замацаваных службовых асоб; актывізацыя работы Міністэрства прамысловасці Беларусі ў рэгіёнах Расіі; падрыхтоўка сустрэч пасла з кіраўніцтвам расійскіх рэгіёнаў на Пецярбургскім міжнародным эканамічным форуме; пытанні развіцця лагістыкі і партовай інфраструктуры", - расказалі ў прэс-службе.

БелТА