Часовы павераны ў справах Беларусі ў Італіі Уладзімір Васількоў сустрэўся з апостальскім нунцыем у Італіі Эмілем Паўлем Чэрыгам. Аб гэтым карэспандэнту БЕЛТА расказалі ў беларускай дыпламатычнай місіі ў Рыме.

"Бакі абмеркавалі сітуацыю ў рэгіёне Усходняй Еўропы. Акрамя таго, на сустрэчы размова ішла аб перспектывах развіцця двухбаковых кантактаў паміж Рэспублікай Беларусь і Святым Прастолам", - падкрэслілі ў пасольстве.

Дзяржава Ватыкан знаходзіцца ў заходняй частцы Рыма, сталіцы Італіі. Дыпламатычныя адносіны паміж Рэспублікай Беларусь і Дзяржавай Ватыкан былі ўстаноўлены 11 лістапада 1992 года.

Апостальскім нунцыем у Рэспубліцы Беларусь з'яўляецца Антэ Ёзіч. Ён уручыў даверчыя граматы Прэзідэнту Беларусі Аляксандру Лукашэнку 3 лістапада 2020 года.

БелТА