Беларусь і Кітай абмеркавалі супрацоўніцтва кампаній у галіне інфармацыйных тэхналогій і навукі. Размова аб гэтым ішла ў час сустрэчы старшыні Беларускай гандлёва-прамысловай палаты Міхаіла Мятлікава з намеснікам старшыні - генеральным сакратаром Асацыяцыі кітайскіх кампаній Чжаа Цынцю, паведамілі БЕЛТА ў БелГПП.

Разгледжаны магчымыя напрамкі ўзаемадзеяння БелГПП і асацыяцыі ў мэтах развіцця гандлёва-эканамічнага супрацоўніцтва беларускіх і кітайскіх кампаній, трансферу перадавых інфармацыйных тэхналогій, нана- і біятэхналогій, вынікаў навукова-тэхнічнай дзейнасці ў галіне медыцыны, распрацоўкі новых матэрыялаў і іншых сферах, садзейнічання правядзенню сумесных даследаванняў у высокатэхналагічных і інавацыйных сектарах эканомікі. Бакі таксама абмеркавалі інтэнсіфікацыю супрацоўніцтва Беларусі і КНР у галіне навукі і адукацыі.

БелТА