23.07.2020

З 23 па 27 ліпеня ДАІ праводзіць мерапрыемствы па прафілактыцы ДТЗ на пешаходных пераходах

Дзяржаўтаінспекцыя інфармуе, што з 23 па 27 ліпеня 2020 года на тэрыторыі Шаркаўшчынскага раёна праводзяцца прафілактычныя мерапрыемствы, накіраваныя на папярэджанне дарожна-транспартных здарэнняў, якія здзяйсняюцца па прычыне непрадастаўлення перавагі ў руху пешаходам на нерэгулюемых пешаходных пераходах. За 2019 год на тэрыторыі Шаркаўшчынскага раёна здзейснена пяць дарожна-транспартных здарэнняў, адно з якіх з удзелам пешахода.

ДАІ звяртае ўвагу ўсіх удзельнікаў дарожнага руху на няўхільнае выкананне правілаў дарожнага руху, як пешаходаў, так і вадзіцеляў. А таксама нагадвае, што за парушэнне правілаў дарожнага руху пешаходамі прадугледжана адміністрацыйная адказнасць у выглядзе папярэджання або штрафу ад 1 да 3 базавых велічынь, а ў выпадку калі правапарушальнік знаходзіцца ў стане алкагольнага ап'янення, то штраф прадугледжаны ад 3 да 5 базавых велічынь. Вельмі важна разумець, што пешаход на пераходзе абавязаны пераканаецца, што выхад на праезную частку будзе бяспечны!

Падчас правядзення акцыі асаблівая ўвага будзе звернута на прадастаўленне перавагі ў руху пешаходам на нерэгулюемых пешаходных пераходах кіроўцамі транспартных сродкаў. Ва ўсіх месцах, дзе маюцца нерэгулюемыя пешаходныя пераходы, а таксама ўстановы адукацыі, дзіцячыя пляцоўкі і жылыя зоны, кіроўцы павінны быць асаблiва ўважлівыя і асцярожныя. У выпадку набліжэння пешаходаў да пешаходнага пераходу, кіроўцы павінны знізіць хуткасць, каб была магчымасць у любы момант спыніцца. Калі пешаходы не вырашаюцца перайсці дарогу ў месцах дзе яны маюць перавагу ў руху, жэстам запрашайце іх пачаць рух. У выпадку непрадастаўлення перавагі ў руху пешаходам на нерэгулюемых пешаходных пераходах, грамадзяне могуць падаць у падраздзялення ДАІ відэафайлы з відэарэгістратараў якія зафіксавалі факт правапарушэння, з мэтай прыцягнення вінаватых да адказнасці.

С.ШЫШКОВIЧ, чвад старэйшага інспектара па АП АДАІ Шаркаўшчынскага РАУС.