05.11.2021

Віншаванне кіраўніцтва Шаркаўшчынскага раёна з Днём Кастрычніцкай рэвалюцыі

Паважаныя жыхары Шаркаўшчынскага раёна!

Прыміце шчырыя віншаванні з Днём Кастрычніцкай рэвалюцыі!

Кастрычніцкая рэвалюцыя стала падзеяй, якая паклала пачатак глабальным зменам на карце свету, у гісторыі краін і кантынентаў, у лёсах вялікіх сацыяльных пластоў насельніцтва і асобных людзей.

Для нашай рэспублікі падзеі таго часу адкрылі шлях да нацыянальнага самавызначэння і ўласнай дзяржаўнасці. Беларусь не толькі захавала перамогі і працоўныя здзяйсненнi часоў савецкай улады, але і прымножыла гэты патэнцыял.

Аддавая даніну павагі гістарычным падзеям, сёння наша краіна ўпэўнена рухаецца наперад, ганарыцца сваімі дасягненнямі: сацыяльна арыентаванай эканомікай, высокаразвітымі адукацыяй, навукай і культурай.

Дарагія сябры! Жадаем вам здароўя і дабрабыту, спакою і міру, аптымізму і поспехаў ва ўсіх справах на карысць краіны і роднага краю!

Старшыня Шаркаўшчынскага раённага выканаўчага камітэта Д.М.Ламака

Старшыня Шаркаўшчынскага раённага Савета дэпутатаў В.С.Шпец