01.04.2022

Віншаванне кіраўніцтва Шаркаўшчынскага раёна з Днём яднання народаў Беларусі і Расіі

Паважаныя шаркаўчане!

Прыміце шчырыя віншаванні з Днём яднання народаў Беларусі і Расіі!

Гэта знамянальная дата - яркі сімвал нашага братэрства і духоўнага сваяцтва, шчырай дружбы і ўзаемнай падтрымкі, непарыўнай блізкасці лёсаў і культурных традыцый. Раўнапраўе, узаемапавага, улік інтарэсаў адзін аднаго - вось тыя асноўныя прынцыпы, на якіх будуецца двухбаковы доўгатэрміновы саюз нашых дзяржаў.

Яднанне народаў Беларусі і Расіі ў сучасных умовах мае асаблівае значэнне: толькі разам мы здольны годна адказаць на любыя выклікі і пагрозы, супрацьстаяць знешняй агрэсіі.

Хочацца адзначыць, што паміж Шаркаўшчынскім райвыканкамам і Смаленскай рэгіянальнай грамадскай арганізацыяй «Беларуская нацыянальна-культурная аўтаномія Смаленскай вобласці» падпісана пагадненне, у рамках якога на працягу некалькіх гадоў рэалізавана шмат сацыяльна-значных праектаў па тэматыцы развіцця пабрацімскіх сувязей: выдадзены «Атлас дружбы» і «Атлас памяці», у жніўні 2021 года арганізаваны сумесны патрыятычны аўтапрабег і іншыя мерапрыемствы. І наперадзе ў нас яшчэ шмат ідэй і планаў!

Дарагія сябры! У гэты святочны дзень шчыра жадаем вам мірнага неба над галавой, згоды і дабрабыту, моцнага здароўя, шчасця і дасягнення пастаўленых мэт!

Старшыня Шаркаўшчынскага
раённага выканаўчага камітэта
Д.М.Ламака

Старшыня Шаркаўшчынскага
раённага Савета дэпутатаў
В.С.Шпец