23.02.2021

Віншаванне кіраўніцтва Шаркаўшчынскага раёна з Днём абаронцаў Айчыны і Узброеных Сіл Рэспублікі Беларусь

Паважаныя жыхары Шаркаўшчынскага раёна!

Шчыра віншуем вас з Днём абаронцаў Айчыны і Узброеных Сіл Рэспублікі Беларусь!

23 лютага ў гісторыі нашай краіны - гэта асаблівы дзень, калі ўсе мы па традыцыі ўшаноўваем абаронцаў Айчыны, з удзячнасцю ўспамінаем ратныя подзвігі ў славу роднай зямлі, аддаём даніну павагі воінам і ветэранам.

Свой уклад у абарону Радзімы ўносілі і ўносяць нашы землякі. Мы памятаем і ганарымся тымі, хто змагаўся на фронце і працаваў у тыле ў гады Вялікай Айчыннай вайны. Мы ўдзячныя тым, хто абараняў і абараняе межы нашай краіны, хто сёння праходзіць нялёгкую вайсковую службу ў шэрагах Узброеных Сіл Рэспублікі Беларусь, праяўляючы гонар і годнасць, доблесць і адвагу.

Дарагія сябры! Хай гонар за сваіх землякоў, павага да іх баявых і працоўных подзвігаў, пачуццё любові да Радзімы, да свайго роднага Шаркаўшчынскага раёна будуць у сэрцы кожнага з нас! Жадаем вам дабра і міру, дабрабыту і шчасця!

Старшыня Шаркаўшчынскага раённага выканаўчага камітэта Д.М.Ламака

Старшыня Шаркаўшчынскага раённага Савета дэпутатаў В.С.Шпец