20.08.2021

Вадзіцель ААТ «Агратэхсэрвіс» Яўгеній Рагачэўскі стаў “тысячнікам”

У ААТ “Агратэхсэрвіс” з’явіўся чарговы “тысячнік”. Ім стаў вадзіцель Яўгеній Рагачэўскі, які перавёз ад камбайнаў 1028 тон зерня.

Старшыня райкама прафсаюза работнікаў АПК Таццяна Альшэўская ўручыла перадавому вадзіцелю грашовую прэмію ад імя прафсаюзаў, кіраўнік сельгаспрадпрыемства Міхаіл Кавалёнак і старшыня пярвічнай прафсаюзнай арганізацыі Яся Краснікава ўзнагародзілі Яўгенія дыпломам і грашовай прэміяй.
— Вядома, прыемна, калі тваю працу ацэньваюць станоўча, — сказаў Яўгеній. — Гэта заахвочвае да новых высокіх працоўных паказчыкаў. Упэўнены, што і далей буду плённа працаваць на карысць сваёй гаспадаркі.

Сяргей РАЙЧОНАК.