31.10.2025

У Шаркаўшчынскім раёне 1 лістапада пройдзе суботнік

У Шаркаўшчынскім раёне працягваецца актыўная работа па навядзенні парадку і добраўпарадкаванні.

1 лістапада адбудзецца раённы суботнік. Жыхары райцэнтра і сельскіх населеных пунктаў далучацца да акцыі па навядзенні парадку. Плануецца, што прадстаўнікі працоўных калектываў будуць наводзіць парадак на замацаваных тэрыторыях сельскагаспадарчых арганізацый, а таксама на ўласных і прылеглых тэрыторыях. Заробленыя на суботніку сродкі будуць накіраваны на добраўпарадкаванне Шаркаўшчыны, набыццё і рамонт малых архітэктурных форм, правядзенне культурна-масавых мерапрыемстваў.

Давайце ўсе разам падтрымаем гэтую добрую традыцыю — калектыўна наводзіць парадак на зямлі. Зробім прыгожым і ўтульным наш агульны дом!