31.05.2023

У школах Шаркаўшчынскага раёна прайшлі лінейкі, прысвечаныя заканчэнню навучальнага года

Сёння ў школах раёна прайшлі лінейкі, прысвечаныя заканчэнню навучальнага года. Празвінеўшы званок азнаменаваў сабой яшчэ адзін мінулы год на шляху да ведаў і пачатак доўгачаканых летніх канікулаў. Павіншавалі рабят з доўгачаканымі канікуламі дарослыя - педагогі, бацькі і госці мерапрыемства - старшыня Шаркаўшчынскага раённага выканаўчага камітэта Дзмітрый Міхайлавіч Ламака, начальнік аддзела па адукацыі райвыканкама Кацярына Рыгораўна Міхнёнак, прадстаўнікі мясцовай улады і сілавых структур.

Лепшым навучэнцам - выдатнікам вучобы, пераможцам алімпіяд і спартыўных спаборніцтваў, удзельнікам творчых конкурсаў былі ўручаны дыпломы, падзякі і пахвальныя лісты.