14.08.2023

У сельхазпрадпрыемстве «Гарадзец» падведзены прамежкавыя вынікі ўборачнай кампаніі

Кіраўніцтва і прадстаўнікі адміністрацыі гаспадаркі выказалі словы шчырай удзячнасці за нялёгкую працу хлебаробам КУПСХП “Гарардзец”. 

Кіраўніцтва і прадстаўнікі адміністрацыі гаспадаркі выказалі словы шчырай удзячнасці за нялёгкую працу хлебаробам КУПСХП “Гарардзец”. Дырэктар сельгаспрадпрыемства Аляксандр Сулікоўскі, вядучы спецыяліст па ідэалагічнай рабоце Наталля Катушонак і прадстаўнік прафкама гаспадаркі Вераніка Ярмош уручылі працаўнікам памятныя падарункі.

Нягледзячы на аб’ектыўныя прычыны, з якімі сутыкаюцца работнікі сельскай гаспадаркі падчас жніва, уборачная кампанія ў «Гарадцы» праходзіць на належным узроўні. За штурваламі камбайнаў знаходзяцца як вопытныя хлебаробы, так і моладзь. Зерне ўраджаю 2023 года ў дзяржаўныя засекі адпраўляюць з бункераў сваіх камбайнаў Юрый Леановіч, Віктар Урублеўскі, Аляксандр Морхат, Андрэй Каснікоўскі, Раман Феер. Зладжана працуюць і вадзіцелі грузавых аўтамабіляў на адвозе зерня Іван Прахаронак, Віктар Шабан, Сяргей Краснадубскі. Бесперабойна працуюць збожжатакі ў аграгарадку Верацеі, дзе ідзе ачыстка насення азімага ячменю пад далейшую яго сяўбу, а таксама ў аграгарадку Лужкі. Паралельна са жнівом ў сельгаспрадпрыемстве ідзе падрыхтоўка глебы і сяўба азімага рапсу.

Сяргей РАЙЧОНАК

http://www.klich.by/?p=124180