24.08.2020

У падтрымку міру, бяспекі і спакою

Шаркаўчане ўсхваляваны падзеямі, што адбываюцца ў краіне. Таму 21 жніўня 2020 года яны дружна адгукнуліся на запрашэнне раённай арганізацыі грамадскага аб'яднання «Белая Русь» прыйсці на мітынг у падтрымку міру, бяспекі і спакою ў Беларусі, які прайшоў на плошчы Леніна.

На мітынг выйшлі жыхары раёна ўсіх пакаленняў, калектывы прадпрыемстваў і арганізацый раёна, моладзь і проста неабыякавыя грамадзяне. Прыходзілі сем'ямі. Удзельнікі мітынгу неслі з сабой дзяржаўную сімволіку Рэспублікі Беларусь, плакаты, малюнкі, шарыкі. Адміністрацыйны будынак райвыканкама ўпрыгожыў вялізны сцяг Рэспублікі Беларусь.

Усе жадаючыя ў рэжыме вольнага мікрафона маглі адкрыта падзяліцца сваім меркаваннем аб сітуацыі ў краіне.

Адкрыў мітынг Георгій Мікалаевіч Дубоўскі, ветэран працы, які ў свой час працаваў на розных кіруючых пасадах.

- Мы павінны захаваць краіну. Нельга дапусціць развалу і хаосу. Трэба аб'яднацца і ісці наперад пад кіраўніцтвам нацыянальнага лідэра - Аляксандра Рыгоравіча Лукашэнкі, - эмацыйна заявіў Георгій Мікалаевіч.

- Жыву добра, ўсім задаволены. Дзеці і ўнукі радуюцца, што жывуць у незалежнай, квітнеючай Беларусі. У краіне створаны ўсе ўмовы для жыцця, развіваюцца ўсе сферы народнай гаспадаркі, сацыяльная палітыка накіравана на чалавека. А што яшчэ трэба для шчасця? - такога меркавання прытрымліваецца былы старшыня ААТ «Жвiранка», а цяпер пенсіянер Павел Фёдаравіч Пальчэх.

Наш мясцовы паэт Мілэдзій Мікалаевіч Кукуць - асоба вядомая. Ён таксама заклікаў падтрымаць Аляксандра Рыгоравіча Лукашэнку. Падобны пасыл зыходзіў з вуснаў калегі па творчым цэху - пісьменніка Віктара Аляксандравіча Праўдзіна.

- Я сем гадоў жыцця прысвяціў службе ва Узброеных Сілах, таму ведаю цану мihe. Грамадства павінна аб'яднацца для захавання міру і спакою ў Беларусі. Скажам «не» войнам і рэвалюцыям! - заявіў начальнік мясцовага аддзялення «Белтэлекам» Яўген Валер'евіч Бялевіч.

Педагог Kужкоўскfq сярэдняй школы Таццяна Ананьеўна Эйтмшновiч падзялілася сваімі думкамі пра тое, што падрастаючае пакаленне часцяком жыве віртуальным жыццём, давяраючы ілжывай інфармацыі і прыдуманым навінам. Спецыяліст па працы з моладдзю ААТ «Шаркаўшчынскі агратэхсэрвіс Міласердава Наталля Віктараўна заклікала ўсіх прысутных да згоды, шанаваць сваю багатую гісторыю, каб дзеці раслі ў мірнай краіне.

Iндывідуальныя прадпрымальнікі Далецкі Аляксандр Дзіслававіч і Рылаў Вадзім Канстанцінавіч эмацыйна выказалі кожны свой пункт гледжання аб адбываючыхся ў краіне падзеях.

Не засталіся ў баку нават жыхарка Расіі, гасціўшая ў гэты час у брата ў Шаркаўшчыне, якая сказала, што беларусам трэба захоўваць і памнажаць усё добрае, што ёсць у краіне, і не даваць нікому падзяліць народ.

Эмацыйным завяршэннем мітынгу быў выступ Юрыя Анатольевіча Васілеўскага, намесніка старшыні райвыканкама, старшыні раённай арганізацыі «Белая Русь», які заклікаў людзей задумацца і не дапусціць гістарычнай памылкі.

- Нам не патрэбны сваркi і хаос. Мы разам за стабільнасць і развіццё, - заявіў Юрый Анатольевіч.

Падчас мітынгу прысутныя дружна і ад душы скандавалі: «Беларусь - гэта мы!», «За Беларусь!», «За Лукашэнку!».

Уражаннямі ад прайшоўшага мітынгу з карэспандэнтам раённай газеты падзяліліся:

Галіна Мікалаеўна Філатава, старшыня раённай ветэранскай арганізацыі:

- Сёння мы сабраліся на плошчы для таго, каб наша Беларусь квітнела і ў краіне была стабільнасць, каб кожны шаркаўчанін верыў у светлую будучыню. Мы змаглі пераадолець многія цяжкасці. Самае галоўнае ў душы кожнага чалавека - дабрыня. Яна - гэта тое, што можа ўбачыць глухі і пачуць сляпы. Я жадаю, каб гарпасёлак заставаўся на тых моцных пазіцыях, на якія змог выйсці за апошняе пяцігоддзе. За мірнае неба над галавой. А забастоўкі, я лічу, ні да чаго добрага не прывядуць.

Ганна Заблоцкая, прадстаўнік моладзі:

- Сёння я прыйшла сюды, каб выказаць сваю жыццёвую пазіцыю: я супраць правакацый, беспарадкаў у краіне. Я хачу, каб быў мih. Мы ўсе грамадзяне адной краіны - Беларусі. Сёння вельмі балюча бачыць тое, што адбываецца. Я падтрымліваю нашага Прэзідэнта. І з гонарам падымаю наш сцяг - чырвона-зялёны. Ён наш.

Яўген Фаміч Кандраценка, ветэран працы:

- Я прыйшоў сюды, каб падтрымаць нашу прыгожую Беларусь. Мы гаворым Беларусь - разумеем Аляксандра Лукашэнкe, кажам Аляксандр Лукашэнка - разумеем Беларусь. Усёй душой падтрымліваю нашага дарагога Прэзідэнта. Дзякуй яму за тое, што ён змагаецца за нашу незалежнасць і суверэнітэт краіны ў цэлым. Каб ніхто з нашых бліжэйшых краін-суседак і іншых «сяброў» не маглі кіраваць беларусамі, як безгаловымi лялькамі.

Вольга Рамановіч, член раённай арганізацыі ГА «БРСМ»:

- У сувязі са складанай сітуацыяй у краіне я, мае сяброўкі, калегі і проста знаёмыя прыйшлі падтрымаць Аляксандра Рыгоравіча Лукашэнку. Мы не маўчым, мы тут, мы за незалежную Беларусь, за нашага Бацьку. Калісьці мы ўсё яму паверылі, і мая сям'я ніводнага дня пра гэта не пашкадавала.

Калектыў Шаркаўшчынскага філіяла УП «Віцебскаблпаліва»:

- Паглядзіце навокал: чысціня, парадак, даступная медыцына, адукацыя, спорт - усё развіваецца. Мы краіна, якая шануе традыцыі. Хочам пажадаць Прэзідэнту здароўя на доўгія гады! Мы за мір, справядлівасць і спакой. Каб нашым дзецям і ўнукам не прыйшлося ваяваць. Мы - за квітнеючую Беларусь.

Калектыў тэрытарыяльнага цэнтра сацыяльнага абслугоўвання насельніцтва раёна:

- Такія мітынгі надаюць нам упэўненасць, што мы не аддадзім нікому нашу краіну. І мы не аддамо! Нас палохае склаўшаяся сітуацыя. Не можам паверыць у тое, што Беларусь хочуць разбурыць, але ж тыя незразумелыя людзі хочуць менавіта гэтага! Так, можа каго-небудзь штосцi не задавальняе, але не бывае такога, каб усе заўсёды былі задаволены. Мы ўдзячны нашаму Прэзідэнту за тое, што ўсе 26 гадоў у нашай краіне мiр. Падтрымліваем цяперашнюю ўладу, каб былі сацыяльна абаронены тыя катэгорыі грамадзян, з якімі мы працуем.

Алена Ананіч.