18-19 мая 2022 года ў Мінску пад эгідай незалежнага рэгулятара ў сферы інфармацыйна-камунікацыйных тэхналогій, функцыі якога ажыццяўляе Аператыўна-аналітычны цэнтр пры Прэзідэнце Рэспублікі Беларусь пройдзе II Міжнародны лічбавы форум #GBC (Дзяржава. Бізнес. Грамадзяне).

Асноўная мэта форуму заключаецца ў стварэнні дыялогавых пляцовак для ўмацавання супрацоўніцтва і пошуку новых рашэнняў, якія садзейнічаюць павышэнню эфектыўнасці існуючага ўзаемадзеяння дзяржавы, бізнесу і грамадзян, а таксама прэзентацыі дасягненняў Рэспублікі Беларусь і актуальных праектаў у сферы лічбавай трансфармацыі.

У праграме форуму запланавана цырымонія ўзнагароджання, у рамках якой будзе названа лепшая вобласць у намінацыі «Рэгіён лічбавых магчымасцяў». Яе выбар ажыццяўляецца па крытэрыях укаранення інфраструктурных элементаў электроннага ўрада, развіцця інтэлектуальнага патэнцыялу лічбавай трансфармацыі, а таксама бяспекі інфармацыйна-камунікацыйнай інфраструктуры.

Правядзенне чарговага форуму паспрыяе дасягненню заяўленых мэт сацыяльна-эканамічнага развіцця Рэспублікі Беларусь, забеспячэнню інфармацыйнай бяспекі дзяржавы і фінансавай незалежнасці ў санкцыйных умовах, а таксама папулярызацыі створанай у краіне інфармацыйна-камунікацыйнай інфраструктуры.

У яго працы прымуць удзел кіраўнікі дзяржаўных органаў і арганізацыі розных сфер жыццядзейнасці, прадстаўнікі IT-кампаній, банкаў, бізнэсу, а таксама сацыяльнай галіны.

Праца форуму будзе арганізавана ў фармаце правядзення пленарнага пасяджэння і 7 тэматычных секцый. Любы жадаючы зможа далучыцца да арганізаванай трансляцыі ў рэжыме анлайн.

Арганізатарамі форуму з'яўляюцца Нацыянальны цэнтр абмену трафікам, Нацыянальны цэнтр электронных паслуг, Беларускія хмарныя тэхналогіі.

Усе падрабязнасці на сайце Gbcforum.by