Інспектар па кадрах, старшыня першаснай прафсаюзнай арганізацыі ААТ «Княж» Таццяна Бохан павіншавала лідэраў і ўручыла ім граматы і грашовую ўзнагароду.

На адвозцы кармоў у сельгаспрадпрыемстве лідзіравалі вадзіцелі Генадзь Радкевіч, Віталь Якушаў і Сяргей Якімовіч.

На касьбе траў першынствуе механізатар Іван Грыгор'еў, на другім месцы Віктар Хаданёнак, замкнуў тройку лідэраў Сцяпан Канюшэўскі.

На драбненні лепшы вынік у Сяргея Хаданенкі, а вось у прэсаванні сена — у Віктара Хаданенкі.

Сярод механізатараў на нарыхтоўцы сена лепшыя вынікі ў Івана Дзегцяра, Уладзіміра Ціхановіча і Анатоля Андзілеўка.

Старшыня раённага камітэта прафсаюза работнікаў АПК Таццяна Альшэўская ўручыла Падзяку за добрасумленную, высокапрадукцыйную працу, дасягненне лепшых вынікаў на нарыхтоўцы кармоў трактарысту-машыністу Сяргею Хаданенка, а таксама выказала словы падзякі ў адрас усіх механізатараў сельгаспрадпрыемства.