27.01.2021

Тыдзень бяспекі дарожнага руху праходзіць на тэрыторыі Шаркаўшчынскага раёна

На тэрыторыі Шаркаўшчынскага раёна Дзяржаўтаінспекцыяй праводзяцца з 25 да 30 студзеня 2021 года прафілактычныя мерапрыемствы па папярэджанні дзіцячага дарожна-транспартнага траўматызму. У рамках гэтых мерапрыемстваў супрацоўнікі Дзяржаўтаінспекцыі ў чарговы раз нагадаюць дзецям і іх бацькам аб правілах бяспечных паводзін на дарозе. З юнымі ўдзельнікамі дарожнага руху, а таксама іх бацькамі будуць праводзіцца не толькі прафілактычныя гутаркі, але і заняткі па вывучэнню і паўтору правілаў дарожнага руху.

Пры нясенні службы супрацоўнікамі ДАІ асаблівая ўвага будзе звернута на выкананне правілаў дарожнага руху дзецьмі-пешаходамі і дзецьмі-пасажырамі. У выпадку выяўлення парушэнняў правілаў дарожнага руху дадзенай катэгорыяй асоб, інфармацыя будзе накіроўвацца па месцы вучобы, а таксама ў камісію па справах непаўналетніх. Кіроўцам жа варта звярнуць увагу на выкананне правіл перавозкі пасажыраў, як дарослых, так і непаўналетніх.

Дзяржаўтаінспекцыя нагадвае, што пры руху паблізу дзіцячых устаноў, праездзе нерэгулюемых пешаходных пераходаў, прыпынкаў грамадскага транспарту і ў дварах, неабходна быць як мага больш уважлівымі і рухацца з мінімальнай хуткасцю, якая забяспечвае бяспеку дарожнага руху.

С. ШЫШКОВIЧ, часова выконваючы абавязкі начальніка АДАІ Шаркаўшчынскага РАУС.