02.10.2025

Сярэдняя школа № 1 г.п. Шаркаўшчына прыняла ўдзел у рэспубліканскім праекце "Настаўніцкае слова"

У ДУА "СШ № 1 г.п. Шаркаўшчына" прайшоў рэспубліканскі праект "Настаўніцкае слова".

У мерапрыемстве прыняла ўдзел ветэран педагагічнай працы Ларыса Канстанцінаўна Чарняўская. Падчас сустрэчы Ларыса Канстанцінаўна распавяла пра сябе, сваіх бацькоў, якія таксама былі педагогамі, пра шлях у прафесію.

Заслужанага педагога, настаўнікаў, вучняў педагагічнай групы аб'яднала знакавая сустрэча пакаленняў. Удзельнікі абмеркавалі значэнне слова "настаўнік", ролю педагога ў жыцці чалавека і яго будучыні.

"Настаўніцкае слова"  - праект партыі "Белая Русь", прымеркаваны да Дня настаўніка. Задачы ініцыятывы - успомніць гісторыю і традыцыі беларускіх школ, аддаць даніну памяці тым, хто стаяў ля вытокаў развіцця адукацыі ў краіне. Ён рэалізаваны для таго, каб пачуць словы мудрага, творчага, неабыякавага настаўніка.