27.05.2020

Спецыялісты аддзялення ЦСАiР арганізавалі дабрачынную акцыю «Падары ўсмешку»

Дзяцінства назаўжды застанецца самай шчаслівай і бесклапотнай парой для многіх з нас. Аднак далёка не ўсе людзі могуць пахваліцца толькі радаснымі ўспамінамі аб сваім дзіцячым узросце. Дзень абароны дзяцей быў прыдуманы для таго, каб нагадаць нам, дарослым, аб чысціні, шчырасці і наіўнасці дзіцячай душы. Пра тое, што дзеці маюць патрэбу ў нашай любові і абароне. Што яны, калі вырастуць, павінны ўспамінаць пра сваё дзяцінства толькі з добрай усмешкай.

Напярэдадні Дня абароны дзяцей спецыялісты аддзялення сацыяльнай адаптацыі і рэабілітацыі арганізавалі дабрачынную акцыю «Падары ўсмешку». У ходзе акцыі бацькі змаглі атрымаць замежную бязвыплатную дапамогу ў выглядзе адзення і абутку б/у. Па жаданні маглі выбраць мяккія цацкі, мазаіку для хлопчыкаў і дзяўчынак.

А. ШУДЗЕЛЬ, загадчык аддзялення ЦСАiР ТЦСАН.