16.02.2023

Сярод лаўрэатаў абласнога конкурсу па прысваенні ганаровага звання «Чалавек года Віцебшчыны-2022» - шаркаўчанін Мар'ян Паўловіч

Падведзены вынікі штогадовага абласнога конкурсу па прысваенні ганаровага звання «Чалавек года Віцебшчыны». Конкурс праводзіцца з мэтай стымулявання творчай працы, прапаганды інавацыйных ідэй, перадавога вопыту.

На падставе рашэння Віцебскага аблвыканкама №64 ад 9 лютага 2023 года ганаровае званне «Чалавек года Віцебшчыны» прысвоена ў пяці намінацыях 50 жыхарам Прыдзвінскага краю. Сярод узнагароджаных і наш зямляк - Паўловіч Мар'ян Мечыслававіч, дырэктар дзяржаўнай установы сацыяльнага абслугоўвання «Аляксандраўскі псіханеўралагічны дом-інтэрнат для састарэлых і інвалідаў».