12.12.2025

Шаркаўшчынская дзіцяча-юнацкая спартыўная школа атрымала новы мікрааўтобус

Старшыня Шаркаўшчынскага райвыканкама Сяргей Генадзевіч Кашміло ва ўрачыстай абстаноўцы, з удзелам кіраўніцтва раёна, юных спартсменаў і іх выкладчыкаў, уручыў ключы ад новага мікрааўтобуса дырэктару Шаркаўшчынскай дзіцяча-юнацкай спартыўнай школы Аляксею Алегавічу Курачонку.

У выхаванцаў раённай дзіцяча-юнацкай спартыўнай школы з'явіўся новы, камфортны і бяспечны аўтобус. Цяпер юныя спартсмены будуць з камфортам ездзіць на спаборніцтвы і адстойваць гонар Шаркаўшчынскага раёна на спаборніцтвах рознага ўзроўню. Мікрааўтобус 2025 года выпуску разлічаны на 19 пасажыраў, усё сядзенні абсталяваныя спецыяльнымі рамянямі бяспекі.