07.08.2025

З 8 па 10 жніўня ДАІ Віцебскай вобласці правядзе прафілактычнае мерапрыемства "Бяспечная вобласць"

Яно накіравана на папярэджанне ДТЗ:

- здзейсненыя з удзелам і па віне пешаходаў;

- здзейсненыя кіроўцамі, якія парушаюць патрабаванні хуткасных рэжымаў і правілы абгону.

ДАІ правядзе адпрацоўку рэспубліканскіх аўтадарог з выкарыстаннем галоснага, сакрэтнага і змешанага кантролю, у тым ліку з выкарыстаннем беспілотных лятальных апаратаў.

Акрамя гэтага, супрацоўнікі Дзяржаўтаінспекцыі правядуць выступленні ў працоўных калектывах. Асаблівая ўвага будзе нададзена давядзенню інфармацыі аб правілах бяспечных паводзін на дарозе.

Заклікаем усіх удзельнікаў дарожнага руху да няўхільнага выканання ПДР!

Калі вам стала вядома, што транспартным сродкам кіруе нецвярозы кіроўца, ці вы ўбачылі на праезнай частцы нецвярозага пешахода, іншага ўдзельніка дарожнага руху – неадкладна паведаміце пра гэта па тэлефоне 102.