06.11.2025

Кіраўніцтва Шаркаўшчынскага раёна накіравала віншаванне з Днём Кастрычніцкай рэвалюцыі

Паважаныя жыхары Шаркаўшчынскага раёна!

Шчыра віншуем вас з Днём Кастрычніцкай рэвалюцыі!

Кастрычніцкая рэвалюцыя стала падзеяй, якая паклала пачатак глабальным зменам на карце свету, у гісторыі краін і кантынентаў, у лёсах вялікіх сацыяльных слаёў насельніцтва і асобных людзей.

Для нашай рэспублікі падзеі той пары адкрылі шлях да станаўлення і развіцця беларускай дзяржаўнасці, пабудаванай на прынцыпах сацыяльнай роўнасці і гуманізму, праве на самавызначэнне і павазе да чалавека працы.

У гэты дзень мы таксама аддаём даніну памяці старэйшаму пакаленню, якое гераічна адстаяла адзінства і незалежнасць нашай Радзімы ў гады Вялікай Айчыннай вайны, а ў пасляваенны час заклала моцны падмурак для развіцця сучаснай Беларусі.

З імем Кастрычніцкай рэвалюцыі мы звязваем шматлікія перамогі, здзяйсненні і працоўныя дасягненні нашага народа, якія і дагэтуль працягваюць заставацца прадметам нашага асаблівага гонару.

Дарагія сябры! Прыміце самыя шчырыя пажаданні здароўя і шчасця, дабра, дабрабыту і ўпэўненасці ў заўтрашнім дні, поспехаў у стваральнай працы на карысць нашай краіны!