08.05.2025

Кіраўніцтва Шаркаўшчынскага раёна накіравала віншаванне з 80-годдзем Вялікай Перамогі

Паважаныя шаркаўчане! Ад усёй душы віншуем вас з самым дарагім і святым святам - 80-годдзем Вялікай Перамогі!

Дзень 9 Мая – натхняючы сімвал гераізму і бяспрыкладнай мужнасці савецкага народа, які абараніў мір на планеце, вярнуў ёй права на жыццё без фашысцкага ярма. Значэнне гэтага подзвігу непадуладнае часу.

Суровыя гады вайны назаўжды застануцца адной з самых трагічных і доблесных старонак у гісторыі нашай дзяржавы. Мы ў вечным абавязку перад усімі: хто падарыў нам мір і вясну, хто, пагарджаючы смерцю, аддаў сваё жыццё за родную зямлю, хто ў пасляваенныя гады ўсе сілы і талент уклаў у справу станаўлення і развіцця любімай Беларусі, захаванне і памнажэнне яе гістарычнай і культурнай спадчыны.

Светлая памяць нашым землякам, якія загінулі на палях бітваў, закатаваным у фашысцкіх засценках, бязвінна забітым дзецям, мірным жыхарам, якія памерлі ад голаду і хвароб!

Памяць аб Вялікай Айчыннай вайне і яе праўдзе - гэта наша адказнасць. Яна аб'ядноўвае, робіць нас непераможнымі перад абліччам любых выпрабаванняў і выклікаў. Мы, нашчадкі Перамогі, дзеці і ўнукі ветэранаў, абяцаем захаваць мір для цяперашніх і будучых пакаленняў і не дапусціць фальсіфікацыі гістарычных падзей, забыцця той страшнай трагедыі.

Дарагія сябры! Няхай пачуццё гонару за нашу Радзіму і наш народ напаўняюць вашыя сэрцы. Няхай у гэтыя цёплыя майскія святы адступяць усе трывогі, светлы настрой прыйдзе ў кожны дом, падорыць упэўненасць у заўтрашнім дні.

Жадаем вам моцнага здароўя, дабрабыту і мірнага неба над нашай роднай Беларуссю! З Днём Перамогі!