05.02.2026

Хлопцы з рэспубліканскага патрыятычнага праекта "Зімовы маршрут" прыбылі ў Шаркаўшчыну

Сёння ўдзельнікі рэспубліканскага патрыятычнага праекта "Зімовы маршрут" прыбылі ў Шаркаўшчынскі раён.

Традыцыйна - першы пункт на карце маршруту - воінскае пахаванне ў г.п. Шаркаўшчына. Удзельнікі мітынгу ўсклалі кветкі і ўшанавалі памяць загінуўшых хвілінай маўчання.

Далей у райвыканкаме прайшла дыялогавая пляцоўка. У дыялогу прынялі ўдзел:

• Сяргей Генадзевіч Кашміла - старшыня райвыканкама;
• Сяргей Мікалаевіч Арэшкаў - старшыня раённага Савета дэпутатаў;
• Людміла Уладзіміраўна Стома - начальнік аддзела ідэалагічнай работы і па справах моладзі райвыканкама, старшыня раённага аддзялення Беларускай партыі "Белая Русь";
• атрад "Першы крок" імя Героя Савецкага Саюза Зінаіды Міхайлаўны Тусналобавай-Марчанкі на дыялогавай пляцоўцы "Моладзь. Развіццё. Будучыня";
• вучні школ раёна.

Спікерам выступіла Кавалеўская Вераніка Ігараўна, першы сакратар райкама ГА "БРСМ".

Шаркаўшчынскае раённае аддзяленне Беларускай партыі "Белая Русь" падаравала ўдзельнікам праекта на памяць салодкія сувеніры.

Праект "Зімовы маршрут" рэалізуецца байцамі беларускіх студэнцкіх атрадаў БРСМ. Неад'емнай часткай праграмы "Зімовага маршруту" з'яўляецца правядзенне заняткаў грамадзянска-патрыятычнай тэматыкі, па гісторыі Вялікай Айчыннай вайны, а таксама прэзентацыя дзейнасці БРСМ і БСА, прафарыентацыя і арганізацыя спартыўных мерапрыемстваў.