17.02.2025

Прафілактычная акцыя "Калі любіш – вязі бяспечна!" пройдзе з 17 па 21 лютага

"Калі любіш – вязі бяспечна!" пад такім дэвізам з 17 па 21 лютага 2025 года на тэрыторыі Рэспублікі Беларусь праводзіцца прафілактычная акцыя, накіраваная на павышэнне бяспекі перавозкі непаўналетніх, папярэджанне і зніжэнне цяжкасці ДТЗ з удзелам дзяцей-пасажыраў, прапаганду выкарыстання дзіцячых утрымліваючых прылад, рамянёў бяспекі. Гэтымі днямі інспектары ДАІ нагадаюць аб неабходнасці і эфектыўнасці выкарыстання пасіўных сродкаў бяспекі.

У адпаведнасці з дзеючымі Правіламі дарожнага руху кіроўца абавязаны быць прышпіленым і не перавозіць пасажыраў з не прышпіленымі рамянямі бяспекі, а пры руху на матацыкле, мапедзе - быць у зашпіленым моташлеме і не перавозіць пасажыраў без зашпіленага моташлема. У сваю чаргу пасажыр абавязаны быць прышпіленым пры руху ў механічным транспартным сродку, а пры паездцы на матацыкле, мапедзе - быць у зашпіленым моташлеме.

Для бяспечнай перавозкі маленькіх пасажыраў самым надзейным з'яўляецца спецыяльнае дзіцячае аўтакрэсла, сканструяванае з улікам усіх асаблівасцяў дзіцячага арганізма, і падабранае ў адпаведнасці з вагой і ростам дзіцяці.

Пры сутыкненнях, перакульваннях, наездах на нерухомыя аб'екты пасіўныя сродкі бяспекі часта ратуюць ад гібелі, дапамагаюць не траўміравацца многім вадзіцелям і пасажырам.

Медыцынскія паказанні, па якіх пасажыры і кіроўцы могуць не прышпiльвацца ў аўто, вызначае Міністэрства аховы здароўя. Акрамя цяжарных, у пастанове ведамства ўказаны асобы пасля імплантацыі электракардыёстымулятараў у правую подключічную вобласць. Таксама дазвол не прышпiльвацца звязаны з працай. Напрыклад, адмовіцца ад рамяня бяспекі можа таксіст, калі ён вязе пасажыраў па населеным пункце, і пасажыр транспартнага сродку, калі за рулём машыны сядзіць навучэнец. Невыкананне вадзіцелямі і пасажырамі правілаў выкарыстання рамянёў бяспекі і моташлемаў з'яўляецца адной са спадарожных прычын высокага цяжару наступстваў пры ДТЗ.