03.04.2026

Паважаныя жыхары Шаркаўшчынскага раёна!

Прыміце самыя шчырыя віншаванні са светлым святам Уваскрэсення Хрыстова – Вялікаднём! 

Святая Пасха сімвалізуе ўрачыстасць жыцця над смерццю, святла над цемрай і дабра над злом. Для мільёнаў вернікаў па ўсім свеце Вялікдзень з’яўляецца часам духоўнага абнаўлення, днём прабачэння і згоды, днём надзей на новае, лепшае жыццё. 

Вера звяртае нас да высокіх хрысціянскіх ідэалаў маралі і міласэрнасці, дапамагае нам захоўваць чалавечнасць у любых абставінах, падтрымліваць адзін аднаго ў цяжкую хвіліну. 

У гэты цудоўны і ўзнёслы дзень жадаем вам моцнага здароўя, душэўнага цяпла, сямейнага дабрабыту. Няхай у вашых дамах заўсёды пануюць мір, згода і паразуменне, а велікодная радасць напаўняе сэрцы верай у свае сілы і ўпэўненасцю ў заўтрашнім дні. 

Старшыня Шаркаўшчынскага 
раённага выканаўчага камітэта 
 С.Г.Кашміла

Старшыня Шаркаўшчынскага 
раённага Савета дэпутатаў 
С.M.Арэшкаў