24.12.2019

Паважаныя жыхары Шаркаўшчынскага раёна, якія святкуюць Нараджэнне Хрыстова 25 снежня!

Прыміце шчырыя віншаванні з Нараджэннем Хрыстовым!

         Прыміце шчырыя віншаванні з Нараджэннем Хрыстовым!

         Божае Нараджэнне часта вядзе нас да бацькоўскага дома, да нашай малой радзімы, да традыцый перажывання гэтых свят сярод родных і сваякоў. Звычайна за святочным сталом гучаць віншаванні, часам словы прабачэння, а перад усім – радасці, бо сэрцы людзей поўняцца надзеяй на лепшую будучыню, клопатам пра бліжняга, міласэрнасцю і дабрынёй, шчырасцю і спагадай.

         Дарагія сябры! Няхай усе выпрабаванні, пасланыя Богам, будуць для кожнага з вас пасільнымі, а яго падтрымка адчуваецца ва ўсіх добрых справах.    Няхай узнёслыя калядныя пачуцці заўсёды будуць з вамі, умацоўваюць веру і надзею ў сем’ях, прынясуць у вашыя домы здароўе, згоду і хрысціянскае прабачэнне.