06.05.2022

Паважаныя шаркаўчане!

Прыміце самыя шчырыя віншаванні з Днём Вялікай Перамогі!

9 Мая – святы дзень для кожнага з нас. У ім цесна перапляліся радасць і сум, гонар за сваю краіну і яе герояў, боль страт і светлая вера ў мірную будучыню.

Пераможную вясну 45-га года набліжалі франтавікі і працаўнікі тылу, партызаны і падпольшчыкі. Мы – нашчадкі пераможцаў – заўсёды будзем бясконца ўдзячныя ўсім, хто прайшоў праз нягоды ваенных гадоў, абараніў волю, даў нам магчымасць жыць на гэтай зямлі, а ў пасляваенныя гады самаадданай працай аднаўляў разбураныя вытворчасці, прасоўваў наперад навуку і тэхніку, выхоўваў новыя пакаленні…

Веліч подзвігу савецкага народа, мужнасць і гераізм нашых бацькоў і дзядоў натхняюць на стварэнне, а трапяткое стаўленне старэйшага пакалення да лёсу Радзімы назаўжды застануцца яскравым прыкладам доблесці і сапраўднага патрыятызму. Сёння, у мірны час, так важна захаваць памяць аб тых, дзякуючы каму мы можам спакойна працаваць і радавацца жыццю.

У гэтыя ясныя майскія дні, прысвечаныя Дню Вялікай Перамогі, мы святкуем дзень Дзяржаўнага герба і Дзяржаўнага сцяга Рэспублікі Беларусь. Гэтыя ўрачыстыя даты непарыўна звязаны паміж сабой. Яны ўвасабляюць у сабе найважнейшыя каштоўнасці і ідэалы беларусаў – любоў да Радзімы, імкненне да справядлівасці, згоды і міру.

Дарагія сябры! Давайце шанаваць і захоўваць багатую спадчыну нашых продкаў, разумець унікальнасць і непаўторнасць нашай роднай краіны, паважаць і любіць сваю гісторыю, плённа працаваць і жыць у згодзе! Ад усёй душы жадаем моцнага здароўя, шчасця, паразумення і мірнага шчаснага жыцця!

Са святам!

Старшыня Шаркаўшчынскага

раённага выканаўчага

камітэта

Д.М.Ламака

Старшыня Шаркаўшчынскага

раённага Савета дэпутатаў

В.С.Шпец