15.04.2020

Палам - не бываць!

З усталяваннем цёплых вясновых дзён дачнікі і сельскія жыхары імкнуцца навесці парадак, спальваючы старое лісце і смецце. Варта памятаць, што сухастой - лёгкагаручы матэрыял і здольны ўспыхнуць нават ад невялікай іскры. А пры нязначным ветры агонь хутка распаўсюджваецца на велізарныя тэрыторыі, пакідаючы за сабой чорную, безжыццёвую пустку. Пакуль агонь «наводзіць парадак» на ўчастку, з'яўляецца хвілінка абмеркаваць апошнія навіны з суседзямі, абдумаць планы на наступны сезон.

Захопленыя вясновымі клопатамі гаспадары занадта позна заўважаюць, што полымя, падхопленае ветрам, ужо перакінулася на бліжэйшыя тэрыторыі і размешчаныя побач пабудовы. Справіцца з такім агнём без дапамогі ратавальнікаў ужо немагчыма - вялікая верагоднасць апынуцца ў вогненнай пастцы або задыхнуцца ў дыме.

У 2019 годзе на тэрыторыі Віцебскай вобласці з-за выпальвання сухой расліннасці адбылося больш за 100 пажараў.

Шаркаўшчынскі РАНС нагадвае: калі вы заўважылі пал - не праходзьце міма. Пачаўшую гарэць траву можна патушыць самастойна. Выкарыстоўвайце для гэтага галінкі дрэў, мокрую вопратку, шчыльную тканіну. Нанасіце імі слізгальныя ўдары па абзе агню збоку, у бок ачага пажару, як бы змятаючы полымя, не давайце яму перакінуцца на ствалы і кроны дрэў. Паспрабуйце паслаць па дапамогу і паведаміць у лясгас або службу выратавання.

У адпаведнасці з арт. 15.57 КоАП Рэспублікі Беларусь за выпальванне сухой расліннасці, траў на корані, а таксама іржышча і пажніўных рэшткаў на палях або непрыняцце мер па ліквідацыі выпальванняў прадугледжана накладанне штрафу ад 10 да 40 базавых велічынь. У выпадку прычынення ўрону ў асабліва буйным памеры надыходзіць крымінальная адказнасць (арт. 270, 276 Крымінальнага кодэкса Рэспублікі Беларусь). Артыкулам 15.58 КоАП Рэспублікі Беларусь за распальванне вогнішчаў у забароненых месцах прадугледжана папярэджанне або накладанне штрафу да 12 базавых велічынь. Гэтак жа заканадаўствам за падобныя парушэнні прадугледжана і крымінальная адказнасць.

Неабходна быць уважлівымі і тым, хто вырашыў сабе зладзіць адпачынак з шашлыком. Устаноўка мангалаў для прыгатавання шашлыка павінна таксама выконвацца з улікам патрабаванняў пажарнай бяспекі, а пакіданне мангала з агнём без нагляду небяспечна пажарам.

МНС нагадвае: згодна з дзеючым заканадаўству, кантраляванае развядзенне вогнішчаў, размяшчэнне спецыяльных прыстасаванняў для падрыхтоўкі ежы (мангалаў, барбекю) на тэрыторыі дачных кааператываў, баз адпачынку, прысядзібных участках дапускаецца пры захаванні наступных умоў:

- прыняць меры па недапушчэнні распаўсюджвання гарэння за межы пляцоўкі (г.зн. прыбраць гаручыя матэрыялы вакол вогнішча, па магчымасцi абсыпаць пяском, ускапаць зямлю вакол вогнішча);

- пастаянна кантраляваць працэс гарэння і забяспечыць пляцоўку сродкамі тушэння (вогнетушыцель, ёмістасць з вадой, рыдлёўка і да т.п.). Пасля ўсяго затушыць да поўнага спынення тлення;

- выконваць адлегласці пры развядзенні вогнішчаў не менш: 10 метраў ад будынкаў і збудаванняў, 20 - ад лясных масіваў, 30 - ад скірдаў сена і саломы, размяшчаць спецыяльныя прыстасаванні для прыгатавання ежы дазваляецца на адлегласці не менш за 4 метры ад будынкаў (збудаванняў).

Звяртаем увагу грамадзян, што за парушэнне названых правілаў пажарнай бяспекі прадугледжана адміністрацыйная адказнасць ад 10 да 40 базавых велічынь.

І. ПАЛЬЧЭХ, першы намеснік начальніка Шаркаўшчынскага РАНС.