27.10.2022

Па ўсёй рэспубліцы 28 кастрычніка пройдзе Адзіны дзень бяспекі дарожнага руху пад дэвізам «Увага! Пешаходны пераход!»

Мерапрыемствы, якія правядуць супрацоўнікі Дзяржаўтаінспекцыі, накіраваны на папярэджанне ДТЗ з удзелам пешаходаў.

Кіроўцам неабходна быць вельмі ўважлівымі пры пад'ездзе да пешаходных пераходаў і рухацца паблізу іх з хуткасцю, якая дазволіць пры неабходнасці саступіць дарогу жадаючым перасекчы праезную частку. Пешаходам, нягледзячы на тое, што на пешаходным пераходзе пешаход мае перавагу перад транспартнымі сродкамі, неабходна пераканацца ў бяспецы выхаду на дарогу.