17.10.2025

Лепшых культработнікаў раёна ўшаноўвалі ў Пялікаўскім сельскім доме культуры

У Пялікаўскім сельскім доме культуры адбылося святочнае мерапрыемства, прысвечанае ўшанаванню лепшых культработнікаў. Радасныя моманты свята падзялілі з прысутнымі старшыня Шаркаўшчынскага райвыканкама Сяргей Генадзевіч Кашміло, намеснік старшыні райвыканкама Юрый Анатольевіч Васілеўскі, кіраўнік спраў - начальнік упраўлення справамі райвыканкама Вольга Аляксандраўна Малюгіна.

Сяргей Генадзевіч Кашміло ўручыў падзякі старшыні райвыканкама майстру народных мастацкіх рамёстваў раённага Цэнтра рамёстваў Ірыне Грунінай; прыбіральшчыку службовых памяшканняў РЦР Вользе Казлоўскай; бібліятэкару Буеўшчынскай сельскай бібліятэкі-клуба Наталлі Кандрацьевай; настаўніку па класе харавых дысцыплін Шаркаўшчынскай ДШМ Анжэле Касцюкевіч.

Таксама граматамі і падзякамі былі адзначаны многія работнікі культуры раёна.