30.12.2022

Кіраўніцтва Шаркаўшчынскага раёна віншуе жыхароў з Новым годам

Паважаныя шаркаўчане!

Прыміце самыя шчырыя віншаванні з надыходзячым Новым годам!

Дні, гадзіны, хвіліны да яго пачатку заўсёды напоўнены асаблівым хваляваннем. Мы зноў і зноў аднаўляем у памяці падзеі адыходзячага года, імкнемся паспець завяршыць усё, што намецілі, нібы здаём іспыт на права ступіць у будучыню.

Усе шмат і добрасумленна працавалі, кожны на сваім месцы ствараў умовы для таго, каб родны раён развіваўся і квітнеў, каб наша жыццё рабілася больш шчаслівым.

Ад усёй душы хочацца падзякаваць працаўнікам сельскай гаспадаркі, будаўнікам, настаўнікам, работнікам медыцыны, культуры, спорту, гандлю і грамадскага харчавання, бытавога абслугоўвання і жыллёва-камунальнай гаспадаркі, праваахоўных органаў - усіх, хто ўнёс уклад у агульную справу развіцця і росквіту нашай малой радзімы – шаркаўшчынскай зямлі.

Віншуючы адзін аднаго, мы гаворым вельмі простыя, але вельмі ёмістыя словы: «З Новым годам! З новым шчасцем!». Мы вымаўляем іх з асаблівым пачуццём, укладваючы ў іх свой сэнс, свае патаемныя мары і надзеі. Але ёсць і адзінае ўяўленне аб шчасці для кожнага з нас - гэта мірнае жыццё, здароўе і дабрабыт блізкіх, згода ў сем'ях, усмешкі дзяцей, нашы асабістыя поспехі, радасці і перамогі.

Якім стане надыходзячы год, што ён прынясе - шмат у чым залежыць ад нас саміх. Упэўнены, што вера ў свае сілы, энтузіязм, адказнасць дапамогуць ажыццявіць усе планы, зрабіць наша жыццё больш цікавым, насычаным і яркiм.

Дарагія сябры! Няхай сустрэча 2023 гады пройдзе для кожнага з вас у цяпле і ўтульнасці, з любоўю ў сэрцы, у коле родных і разумеючых людзей. Няхай у кожнай сям'і будзе дружна, весела і хлебасольна!

З Новым годам!

Старшыня Шаркаўшчынскага раённага выканаўчага камітэта

Д.М. Ламака

Старшыня Шаркаўшчынскага раённага Савета дэпутатаў

В.С. Шпец