08.05.2024

Кіраўніцтва Шаркаўшчынскага раёна віншуе з Днём Перамогі

Паважаныя шаркаўчане!

Ад усёй душы віншуем вас з 79-й гадавінай Вялікай Перамогі!

Праходзяць дзесяцігоддзі, змяняюцца пакаленні, але Дзень Перамогі застаецца ў нашых сэрцах самым дарагім і кранальным для нашага народа святам.

Пераможны май 45-га назаўжды ўвайшоў у гераічны летапіс нашай Айчыны як сімвал мужнасці і самаадданасці ўсяго савецкага народа.

Мы памятаем кожнага і дзякуем усім, хто падарыў нам мір і свабоду, змагаўся на фронце і ў тыле, адраджаў краіну ў цяжкія пасляваенныя гады.

Вечная памяць байцам, якія не вярнуліся з палёў бітваў! Нізкі паклон тым, хто набліжаў гэты светлы дзень, хто вынес нягоды пасляваенных гадоў!

Мы, спадчыннікі народа-пераможцы, стаім і заўсёды будзем стаяць на абароне гістарычнай праўды аб Вялікай Айчыннай вайне, святой памяці аб гераізме і мужнасці савецкага воіна-вызваліцеля.

Дарагія сябры! Няхай у гэтыя майскія дні ў вашы дамы прыйдзе шчасце і дабрабыт, цеплыня і дастатак. Няхай значнасць гэтага вялікага свята, яго сапраўдная каштоўнасць ніколі і нікім не забываюцца, а дух Перамогі натхняе сэрцы і вядзе нас наперад - да новых подзвігаў, поспехаў і дасягненням на карысць роднага краю.

Ад усёй душы жадаем вам моцнага здароўя, плённай працы на карысць роднай Беларусі, веры, шчасця і дабра.

Са святам!

Старшыня Шаркаўшчынскага

раённага выканаўчага камітэта

Д.М. Ламака

Старшыня Шаркаўшчынскага

раённага Савета дэпутатаў

В.С. Шпец