14.04.2023

Кіраўніцтва Шаркаўшчынскага раёна віншуе хрысціян, якія святкуюць Вялікдзень 16 красавіка

Паважаныя вернікі і святары!

Шчыра віншуем вас са Светлым Хрыстовым Уваскрэсеннем!

Падобна да таго, як пад сонцам абуджаецца зямля, так і ў цудоўныя велікодныя дні вернікі адчуваюць асаблівы духоўны ўздым. Кожны імкнецца акружыць клопатам родных і блізкіх, падзяліцца з імі радасцю свята, падарыць цяпло душэўных зносін.

Вялікае Уваскрэсенне Хрыстова ўвасабляе перамогу праўды і дабра, з'яўляецца напамінам аб тым, што кожны з нас можа абудзіць у сабе лепшыя якасці, зрабіць крок насустрач адзін аднаму, да згуртавання для добрых спраў у імя агульнай будучыні.

Дарагія сябры! Няхай велікодныя ўрачыстасці прынясуць у вашы дамы і сем'і веру ў лепшае, мір, дабро, каханне і шчасце.

Старшыня Шаркаўшчынскага

раённага выканаўчага

камітэта

Д.М. Ламака

Старшыня Шаркаўшчынскага

раённага Савета дэпутатаў

В.С. Шпец