22.12.2023

Кіраўніцтва Шаркаўшчынскага раёна віншуе хрысціян, якія святкуюць Божае Нараджэнне 25 снежня

Светлае Нараджэнне Хрыстова – крыніца веры, міласэрнасці і чалавекалюбства. Яно звяртае нас да вытокаў спрадвечных духоўных традыцый і высокіх ідэалаў хрысціянскай маралі.

Паважаныя жыхары Шаркаўшчынскага раёна!

Прыміце сардэчныя віншаванні са святам Божага Нараджэння!

Светлае Нараджэнне Хрыстова – крыніца веры, міласэрнасці і чалавекалюбства. Яно звяртае нас да вытокаў спрадвечных духоўных традыцый і высокіх ідэалаў хрысціянскай маралі.

У калядныя дні асабліва ярка адчуваецца важнасць і непарушнасць каштоўнасцей, што ствараюць аснову чалавечага шчасця і аб’ядноўваюць мільёны веруючых.

Чароўнае святло Віфлеемскай зоркі асвятляе жыццёвы шлях кожнага чалавека, дорыць пяшчоту і цяпло сем’ям, аб’ядноўвае родных і блізкіх, сваякоў і землякоў, прыносіць мір і згоду, напаўняючы кожны дом дабрынёй і любоўю.

Дарагія сябры! Ад усяго сэрца жадаем усім цярпення і мудрасці, спакою, міру, моцнага здароўя. Няхай добрыя справы, чыстыя намеры, з якімі мы сустрэнем свята, даюць сілы для здзяйснення ўсіх жаданняў, а таксама новых спраў на карысць роднага краю!

Старшыня Шаркаўшчынскага

раённага выканаўчага

камітэта

Д.М.Ламака

Старшыня Шаркаўшчынскага

раённага Савета дэпутатаў

У.С.Шпец