05.10.2022

Кіраўніцтва Шаркаўшчынскага раёна ўзнагароджана нагруднымі знакамі «30 гадоў Беларускі саюз афіцэраў»

Нядаўна Беларускі саюз афіцэраў адзначыў сваё 30-годдзе са дня ўтварэння. Рашэнне аб стварэнні гэтай рэспубліканскай грамадскай арганізацыі было прынята на 1-ым устаноўчым з'ездзе БСА 20 верасня 1992 г. года. За мінулыя гады Беларускі саюз афіцэраў стаў заўважнай у Беларусі грамадскай сілай з дакладна арыентаванай дзяржаўнай пазіцыяй. У гонар свята быў заснаваны нагрудны знак «30 гадоў Беларускі саюз афіцэраў», якім узнагароджваюцца:

- ветэраны ГА «БСА», якія ўнеслі значны ўклад у стварэнне, станаўленне і ўмацаванне Беларускага саюза афіцэраў;

- члены ГА «БСА», якія ўдзельнічаюць у дзейнасці саюза і якія дасягнулі важкіх вынікаў у працы арганізацыі;

- вайскоўцы Узброеных Сіл, якія прымаюць актыўны ўдзел у ажыццяўленні ўзаемадзеяння ў рашэнні ўскладзеных на ГА «БСА» задач;

- асобы органаў дзяржкіравання і выканаўчай улады, палітычных партый, грамадскіх аб'яднанняў, якія прымаюць удзел у сумеснай працы.

У сувязі з юбілеем старшыня Шаркаўшчынскай раённай арганізацыі ГА «БСА» Валерый Інакенцьевіч Ан уручыў нагрудныя знакі кіраўніку раёна Дзмітрыю Міхайлавічу Ламаку і намесніку старшыні райвыканкама Юрыю Анатольевічу Васілеўскаму.