11.10.2024

Кіраўніцтва Шаркаўшчынскага раёна накіравала віншаванне з Днём работнікаў культуры

Паважаныя работнікі і ветэраны ўстаноў культуры!

Ад усёй душы віншуем вас з прафесійным святам - Днём работнікаў культуры!

Культура фармуе існаванне кожнага чалавека, робіць кожны народ непаўторным, бярэ на сябе задачу захавання яго духоўных і маральных традыцый, выступаючы як якасны паказчык ўзроўню жыцця грамадства.

Вы праводзіце вялікую карпатлівую працу па захаванню, узнаўленню і памнажэнню культурнай спадчыны нашага раёна, па перадачы духоўнага досведу ад пакалення да пакалення.

І ў будні, і ў святы вы азараеце сэрцы землякоў святлом дабра, кахання, міласэрнасці, тымі вечнымі каштоўнасцямі, якія сцвярджае сапраўдная творчасць. Дзякуючы вашым ідэям і іх крэатыўнаму ўвасабленню жыхары нашага раёна ўдзельнічаюць у разнастайных культурных мерапрыемствах і жывуць цікавым жыццём.

Мы шчыра радуемся тым дасягненням і перамогам, якіх вы дабіліся на конкурсах самага рознага ўзроўню.

Асобыя словы падзякі - ветэранам галіны, якія ўнеслі неацэнны ўклад у станаўленне і развіццё культуры шаркаўшчынскага краю.

Дарагія сябры! Жадаем вам натхнення і невычэрпнага творчага патэнцыялу! Моцнага здароўя, шчасця і дабрабыту вам і вашым блізкім!