30.09.2021

Камітэт дзяржаўнага кантролю Віцебскай вобласці правядзе «гарачыя лініі» з насельніцтвам

Камітэтам дзяржаўнага кантролю Віцебскай вобласці будзе праводзіцца «гарачая лінія» з 5 па 8 кастрычніка 2021 года па пытаннях якасці і даступнасці сферы рытуальных паслуг, а таксама магчымасці пашырэння іх спектру па прымальных цэнах.

Звароты будуць прымацца з 10.00 да 16.00 (перапынак з 13.00 да 14.00) па тэлефонах: (8-0212) 37-54-53, 37-61-78, (8-0216) 51-09-22 (г. Орша), (8-0214) 42-41-46 (г. Полацк).

Акрамя таго, прапануецца да 11 кастрычніка 2021 года з дапамогай Інтэрнэту (па электроннай пошце: kgkvitebsk@mail.belpak.by з паметкай «Прапанова, рытуальныя паслугі») выказаць меркаванне пра недахопы ў сферы рытуальных паслуг, неналежным утрыманні месцаў пахаванняў, іншых праблемных пытаннях па дадзенай тэме.

Звяртаем увагу, што накіраваныя прапановы не падлягаюць разгляду ў парадку, вызначаным Законам Рэспублікі Беларусь ад 18.07.2011г. № 300-З «Аб зваротах грамадзян і юрыдычных асоб».