08.07.2021

Інфармуе пракуратура: паляванне абышлася дорага

Сярод усіх захапленняў, якімі займаюцца грамадзяне, найбольш адказна варта паставіцца да такога віду дзейнасці як паляванне і рыбалка.

З бытавога пункту гледжання радавога чалавека, каб схадзіць папаляваць або парыбачыць, нічога акрамя вуды ці стрэльбы можа не спатрэбіцца. Разам з тым, такое грэблівае стаўленне да заканадаўства, якая рэгулюе парадак палявання або рыбалкі, можа стаць не толькі падставай для крымінальнай справы, але і пацягнуць значныя грашовыя выдаткі.

Так, напрыклад, 59-гадовы жыхар г. Мінска ў студзені бягучага года прыехаў у Шаркаўшчынскі раёне, дзе ў яго маецца дача. Варта адзначыць, што наш герой з'яўляецца паляўнічым, мае афіцыйны дазвол на здабычу пушнога звера і ружжо.

Знаходзячыся на дачы, мінчанін вырашыў (раз у яго ўсё ў парадку з дакументамі) схадзіць на паляванне. У лесе паляванне незадалося - пушнога звера паляўнічы не здабыў. І вось, вяртаючыся дадому, паляўнічы выпадкова заўважае двух дарослых ласёў. Напэўна, паддаўшыся жаданню здабыць хоць нейкага звера, паляўнічы забівае двух ласёў, не маючы пры гэтым дазволу на іх здабычу.

Пра паказаны факт стала вядома праваахоўным органам, якія і распачалі ў дачыненні да мінчука крымінальную справу па ч. 4 арт. 282 КК - незаконнае паляванне, якое пацягнула прычыненне шкоды ў асабліва буйным памеры.

У сувязі з незаконным паляваннем паляўнічаму прыйшлося пакрыць шкоду, прычыненую навакольнаму асяроддзі, на суму звыш 21 тысячы рублёў. Пракурор Шаркаўшчынскага раёна пагадзіўся з такой кваліфікацыяй дзеянняў абвінавачанага і з даказанасцю яго віны ў дадзеным злачынстве і накіраваў крымінальную справу ў суд. Дзяржаўнае абвінавачванне падтрымана пракуратурай Шаркаўшчынскага раёна.

Уступіўшым у законную сілу прысудам суда Шаркаўшчынскага раёна ад 03.06.2021 г. паляўнічы асуджаны па ч. 4 арт. 282 КК да пазбаўлення волі, якое вырашана лічыць ўмоўным, а таксама да забароны займацца дзейнасцю, звязанай з паляваннем, а таксама штрафу ў суме 1 450 рублёў.

Варта звярнуць увагу, што дадзеным прысудам суда па ініцыятыве дзяржаўнага абвінаваўцы з абвінавачанага таксама спагнаны і выдаткі за вытворчасць экспертыз у суме звыш 6 тысяч рублёў.

Акрамя гэтага, пракуратурай раёна па матэрыялах вывучэння крымінальнай справы ў інтарэсах Шаркаўшчынскай арганізацыі БТАР прад'яўлена іскавая заява да паляўнічага аб спагнанні 8 500 рублёў кошту паляўнічых пуцёвак. Дадзеная іскавая заява знаходзіцца на разглядзе у судзе раёна.

Такім чынам, дадзенае «паляванне» абышлася абвінавачанаму ў суму без малога 37 тысяч рублёў.

Не варта грэбаваць патрабаваннямі заканадаўства і пры рыбалцы. Так, напрыклад, у Віцебскай вобласці з красавіка па восьмага чэрвеня бягучага года дзейнічала забарона на лоўлю рыбы.

63-гадовы жыхар нашага раёна, узброіўшыся забароненымі прыладамі лоўлі (бучы), адправіўся на рыбалку ў перыяд вышэйпаказанай забароны.

Вяртаючыся дадому з уловам плоткі, рыбак быў затрыманы супрацоўнікамі інспекцыі аховы жывёльнага і расліннага свету.

За ўчыненне гэтых супрацьпраўных дзеянняў рыбака прыцягнулі да адміністрацыйнай адказнасці ў выглядзе штрафу ў памеры 290 рублёў. Пракуратурай раёна пры вывучэнні справы аб адміністрацыйным правапарушэнні пададзена іскавая заява ў інтарэсах інспекцыі аховы жывёльнага і расліннага свету да рыбака аб спагнанні кошту незаконна здабытай рыбы ў суме 170 рублёў. Дадзеная іскавая заява таксама знаходзіцца на разглядзе ў судзе раёна.

Такім чынам, пракуратура раёна звяртае ўвагу ўсіх жыхароў, якія захапляюцца паляваннем і рыбалкай, аб недапушчальнасці зняважлівых адносін да правіл ажыццяўлення палявання і рыбалкі.

М. Кучэрын, памочнік пракурора.